Eitt elsta starfandi félag á Íslandi

Hið íslenska bókmenntafélag var stofnað árið 1816 og hefur starfað óslitið síðan.

Það tók við hlutverki Hins íslenzka lærdómslistafélags sem stofnað hafði verið 1779, en starfsemi þess lá niðri um þær mundir sem Bókmenntafélagið var stofnað. Voru félögin formlega sameinuð árið 1818.

„Grundvallarstefna þess var að reisa við sjálfstæðar menntir og menningu á Íslandi undir forystu Íslendinga sjálfra.“

Félagið gefur út fræðirit og almenn rit, ritröðina Íslenzk fornrit og tímaritið Skírni, sem komið hefur út frá árinu 1827.

Bókasala félagsins er við Hagatorg í Reykjavík.

Félagsmenn eru áskrifendur að Skírni – Tímariti Hins íslenska bókmenntafélags – sem kemur út tvisvar á ári, vor og haust. Árgjald greiðist við útkomu hvors heftis, um 5.490,- krónur, eða samtals um 10.980,- krónur á ári.

Jafnframt fá félagsmenn 20% afslátt af verði rita félagsins, eins og það birtist í verðskrá – aðrir fá 10% afslátt.